UM OKKUR

AF verktakar ehf. – Fagmennska, reynsla og traust í byggingariðnaði

AF verktakar ehf. var stofnað árið 2022 af feðgunum Fjölni Má og Antoni Daða, sem sameina áratugalanga reynslu og ferska sýn á byggingariðnaðinn. Fjölnir Már hóf störf við húsasmíði árið 1996, lauk sveinsprófi árið 2001 og er í dag húsasmíðameistari, rekstrar- og byggingariðnfræðingur. Sonur hans, Anton Daði, hóf störf með föður sínum árið 2014 og hefur síðan þá byggt upp víðtæka þekkingu og reynslu sem nýtist í daglegum rekstri og verkefnastjórnun félagsins.

Árið 2017 hóf Ísak Máni störf hjá Fjölni og hefur síðan þá öðlast víðtæka reynslu í húsasmíði og tekið þátt í fjölbreyttum og krefjandi verkefnum. Ísak er í dag einn af eigendum félagsins og gegnir lykilhlutverki í daglegum rekstri og framkvæmdum.

Við sérhæfum okkur í:

• Uppsteypu mannvirkja – sökklar, veggir, plötur og undirstöður, með yfir 75 ára samanlagðri reynslu starfsmanna

• Þakþjónustu – nýsmíði og þakskipti, lekting, klæðning og frágangur með veðurþolnum lausnum

• Gluggaskipti og ísetningar – nýir gluggar, opnanleg fög og endurnýjun eldri glugga

• Viðhaldsverk og innanhússmíð – vandaður frágangur og lausnir sniðnar að þörfum hvers viðskiptavinar

Við leggjum metnað í að skila vönduðum og endingargóðum lausnum, hvort sem unnið er við nýbyggingar, endurbætur eða viðhald. Starfsfólk okkar er vandvirkt, jákvætt og metnaðarfullt, og við tökum hvert verkefni með ábyrgð og virðingu fyrir faginu.